Atzoko Mihiluze saioan trikitixa ardatza izan zen azkeneko proban. Hiru eremuak hauexek izan ziren: Maurizia, Tapia eta Ines Osinaga. Maurizia, pandero (Maurizia panderojole ezaguna izan zen) eta Fasiorekin (berarekin batera jo zuen askotan) lotu behar zen. Tapiarekin aldiz, Quebec, Agur Intxorta Maite (biak bere diskoetako izenburuak) eta Koldo Izagirre (bere letrak erabili ditu eta disko bat elkarrekin kaleratu zuten) elkartu behar ziren. Eta Inesekin azkenik, Gose (bere taldearen izena) eta Eutsi! (pelikulako soinu bandako kanta egin zuten) hitzak. Asmatuko zenituzkete?
