Orain dela aste batzuk hasi zen Fermin Muguruzaren "No More Tour 2013" kontzertu bira eta mundutik zehar eramango ditu datozen hilabeteetan. Kontrakantxarekin batera ari da irundarra eszenatokiak astintzen, ohiko den legez musikari oso potentez inguraturik. Horrelako formazio baten soinu txikiaz gozatzeko aukera luxu bat da gu bezalako trikitizaleentzako. Zeregin hori Xabi Solanok hartzen du bere gain, berezko duen energia amaitezinaz.
Plateruenan eskaini zuten kontzertuan egoteko aukera izan nuen eta biziki gustatu zitzaidan; ikaragarria da taula gainean denek jartzen duten energia eta inplikazioa. Ferminen himno bihurtu diren kantu gehienak jotzen dituzte, moldaketa berriekin exigenteen nahiak asetzeko. Horretaz gain ikuskizunaren zati batzutan trikitixa biluzik ageri zaigu eta ondoan izan nuen pertsona batek esan bezala: pasada bat da trikitixa batek bakarrik lortu dezakeena. Bertan begiok ikusi eta belarriok entzun zutena, bideoan:
Ez galdu zuzenean ikusteko aukera, bigarren bat nahiko duzue eta.
