diskoa

GEURE KOLKOTIK 2013

Postontzian topatu dut gaur Euskal Herriko Trikitixa Elkarteak bidalitako Geure Kolkotik 2013 diskoa. Partaideak ikusi eta berri on bat jaso dut, Alaitz edo Iñaki esaterako aspaldian pieza berriekin entzun ez ditudalako.

15 kantaz osaturik dago albuma eta soinujole hauek parte hartu dute: Saioa Lizarralde, Iñaki Zabaleta, Ander Malbadi, Alaitz Telletxea eta Imuntzo. Eurekin batera trikitixa munduko beste laguntzaile ezagunak daude; Iker Goenaga, Beloki edo Mutriku besteak beste. Grabaketa udan zehar burutu da Hernanin Iñigo Egia teknikari eta Goenaga bera ekoizle lanetan aritu direlarik.

Soinujole guztiek proposamen ona egin dute, baina entzunaldi azkar baten ondoren Alaitzen proposamena bereiziki gustatu zait, agian neurri baten alternatiboena eta pertsonalena delako. Nire gusturako "Musika Bihotzean" pieza bestetaz gailendu egiten da, benetan hunkigarria delako; Lantz taldean kide zuen eta orain dela 5 urte zendu zen Mikel Errazkin handiari eskainitiako trikitixa ederra da berau.

Bazkide zaretenok etxean jasoko duzue, besteak Durangoko Azokan izango duzue beta diskoa erosteko.


Share this post

Beste albisteak

Hurrengo albistea
Mezu berriagoa
Aurreko albistea
Mezu zaharragoa

Kontaktua

Izena

Helbide elektronikoa *

Mezua *