Urtero antolatzen ditu Euskal Herriko Trikitixa Elkarteak ikasturte hasieran horrelako jardunaldiak, normalean hitzaldi eta mahainguruak izaten direnak. Bertan gai asko jorratu dituzte ekimena abiatu zenetik; sorkuntza, irakaskuntza, diskogintza,... hizpide izan dira aurreko edizioetan. Aurten "Sorkuntza eta inprobisazioa" izango da ardatza eta gonbidatu bik aurkeztuko dute gaia. Batetik saio teorikoa Aitor Furundarenak emango du irailaren 10ean 19:30 eta bestetik, saio praktikoa Xabi Solanok emango du hurrengo egunean, hilak 11, 19:30etan ere bai. Saio biak Donostiako Udal Liburutegiaren sotoan izango dira eta dohakoak noski.
