diskoa

JULEN ALONSO - Hondarrak

JULEN ALONSO - Hondarrak
Ikusi bideoa

ERRE ZENITUZTEN

ERRE ZENITUZTEN
Bizkargi & Xabi Solano

KEPA JUNKERA

KEPA JUNKERA
ELS SEGADORS - Bideoklip berria

HUNTZA

HUNTZA
Webgune berria

XABI SOLANO

XABI SOLANO
Inpernuko

ELKARRIZKETA: Josune Arakistain

ELKARRIZKETA: Josune Arakistain
Ikusi hemen

AZKEN EKIMENAK

ekimena/carousel/#0489B1

AZKEN ALBISTEAK

TRIKI-NOBEDADEAK 2018

2018ko Durangoko Azoka ate joka dugu eta hauek dira bertan aurkitu ahal izango dituzuen nobedade batzuk.


  • ESNE BELTZA - Ni
  • HUNTZA - Xilema
  • JULEN ALONSO - Sutan Dantzan
  • ERTZAK - Gaur
  • MCONAK - Gure naufragioak
  • NOMADAK - Hasieratik +

  • GOZATEGI - G Puntua

  • HAZIAK II

  • ANJEL LARRAÑAGA - Lana festa bihurtuz 

  • JOKIN TRIKITIXA  - Lokatzera jeisten

KEPA JUNKERA - Kirineoc

Atzo aurkeztu zuen jendaurrean Kepa Junkerak bere proiektu berria, Cobla Sant Jordi bandarekin batera kaleratu berri duen KIRINEOC disko berria. Trikitilariaren ibilbideko hemeretzi kanta esanguratsuk osatzen dute albuma eta haizezko instrumentuak dira nagusi trikitiarekin batera.

Iaz kaleratu zuen Kepak FOK diskoa eta herrialde katalanekin duen hartu-emanaren ondorioa da disko berri hau ere. Ea Euskal Herrian ere zuzenean ikusteko aukera dugun.



Bien bitartean Spotify plataforman entzungai da dagoeneko:

AMATZAKO IV. Trikitixa Jaialdia

Azken urteotan trikitixa jaialdi oso interesgarria antolatu dute Amatzan eta aurtengoa ere halakoa izango da.  Ekainaren 29an ospatuko da 20:00etan Iurretako Amatza auzoan. Hauek dira parte-hartzaileak, inguruko trikitilari gazteak barne:

  • Maddi Alberdi eta Olatz Alberdi
  • Epelde eta Lutxurdio
  • Asier Gozategi eta Julen Alonso
  • Andoni eta Iñaki
  • Xabier Etxaniz eta Ainara Saizar
  • Gorka Valdes, Marina Ereña eta Julen Leturiondo



DATOZEN TXAPELKETAK


Bizpahiru txapelketa iragarri dira egunotan eta bertan duzue informazio guztia:

  • ELORRIOKO TXAPELKETA (20 urtez azpikoak)

- Oinarriak

- Izen-emate orria



  • ZEANURIKO TXAPELKETA (26 urtez azpikoak)

- Oinarriak


  • ORIOKO TXAPELKETA (22 urtez azpikoak)

- Oinarriak

Gehiago heltzean eguneratuko da

GOZATEGI - G Puntua

25 urte bete zituen iaz Gozategik eta ospakizun guztien ondoren osasuntsu datoz bueltan lan berria eskutan dutela. 'G Puntua'-ren bila ibili dira azken boladan eta diskoa entzutean sortutako kilimak ikusita lortu dutela ematen du. 

Zortzigarren estudioko lana dugu azken hau eta Gozategik hastapenetatik izan duen estiloari zintzo dira, urteetako eboluzioa islatuz noski. Baina kanten lehen notetatik badakigu Gozategiz ari garela eta lorpen hori gaur egun erdiestea zinez zaila da, are gehiago horrenbeste urtez bizirik mantendu duten formula eraginkor horrekin. Melodia indartsuak, lasaiak, biziak, goxoak... tartekatuz, eta Asierrek soinu txikiaz duen abilezia agerian utziz. Iñigo Goikoetxearekin batera konbo ederra sortzen dute eta ondo funtzionatzen zuela bagenekien, baina bandarekin beste maila batera eramaten diztuzte kantuok. Horren adierazgarri diskoaren lehen abestia, 'Chiquitaco Can Tac', zeinetan ondo ulertzen den zein garrantzitsua den talde on bat izatea inguruan; metalak dagozkion momentuan, gitarren osagarri aproposak, bateria indartsua... eta nola ez, berezko duten trikiti hori. Eraikuntza musikal horretan Asier Ercilla trikitilari eta kasu honetan teknikariak izango zuen garrantzia, ondo ezagutzen dugunok badakigulako musikarien onena ateratzeko kapaza dela eta gustu handia duela ekoizpen lanetan.

Hamahiru pieza biltzen ditu albumak, tartean ohiko abesti intrumentalak, Asierrek bere aita zenari eskainitako 'Aita' bezalako fandango izugarria esaterako. Nabarmentzekoa hainbat kantetan Julen Alonsoren kolaborazioa, oinarrian onak ziren melodiak eder jantziz. Ainhoa Gozategik ere parte hartu du, nola ez, pandero tradizional eta elektrikoarekin.

Zer esan jorratzen diren gaiei buruz, batzutan serioak besteetan dibertigarriagoak... eta Gozategik inork baino hobeto egiten duen bezala, umoretik abiatuz. Hitz gehienak Asierrek berak idatziak, gutxi batzuk Jon Sarasuak eta Xabier Sukiak. Irrifar bat baino gehiago margotuko zaigu aurpegian esaten dituzten kontuekin; zer pentsa ere emango digute beste batzuk.

Larunbat honetan bertan hasiko dute 'G Puntua'-ren bira Oialumen, makina bat gau magiko bizi izan dituen lekuan. Ondoren helduko dira aukera gehiago eta horrelaxe jarrai dezatela 'Triki-triki' kanta ederrean esaten duten moduan, hauspoa erre arte soinu minez



Bideoklip berria ere aurkeztu dute asteon, lehen 'Zingel'-arena:



GOZATEGI, Zingel

Maiatzean argitaratuko du GOZATEGI taldeak disko berria taula gainean 25 urte bete ondoren. 


Aurrerapen kanta kaleratu dute gaur, Zingel:

HUNTZAren WEBGUNEA

Huntza taldeak webgune berria martxan jarri du. Bertan aurkitu ahal dituzue besteak beste webgune honetan taldeari buruz egindako argitalpenak. 



SAN JOSEtako TRIKITI JAIALDIA 2018

Urteko agendan ezarri da Azpeitian ospatzen den San Josetako Trikiti Jaialdia eta aurten martxoaren 17an burutuko da Soreasu Antzokian 17:30etan. Edizio honetan parte hartuko dutenak:

  • Eneko Arbeo eta Mireia Ibabe
  • Obaneuke
  • Ansorregi eta Larrañaga
  • Joxe Mendizabal
  • Astiasaran II eta Andonegi
  • Epelde eta Lutxurdio
  • Ttipika Taldea



GOZATEGI, Zuzenean 25 urte

Udan emandako kontzertu bereziekin zuzeneko DVD eta CDa argitaratu berri du Gozategi taldeak. Guztira 17 kanta biltzen ditu lanak eta dokumental bat ere sartu dute osagarri gisa. Hamaika gonbidatu aritu ziren emanaldi berezi hauetan, Xabi Solano esaterako bat nabarmentzearren. Ainhoa ere bueltatu zen nola ez.

Euskal musikako historia bizia den taldearen oroigarri bikaina da lan hau eta Durangoko Azokan duten standean aurki dezakezue egunotan.


DVDan ikusi ahalko den kantuetako bat honatx:


HAZIAK

Durangoko Azokan argitaratu du Euskal Herriko Trikitixa Elkarteak HAZIAK diskoa, aurreko hilabeteetan martxan jarritako lehiaketan aurkeztu ziren kanta onenak biltzen dituena. 25 urtetik beherakoek parte hartu ahal zuten eta guztira 10 pieza aukeratu dira. Diskoaren azalean agertzen diren 8 bakarlari, bikote eta taldeek parte hartu dute grabaketan:


Epaimahaiak kanta onena Julen Alonso eta Eneritz Aulestiarena dela erabaki zuen eta horregatik bideoklipa egin da abestiarekin. Hau da bideoa:


Diskoa EHTE-k Azokan duen standean eros daiteke egunotan eta abenduaren 9an aurkeztuko dute Ahotsenean 17:40tan.

HUNTZA, Lumak

Arrakasta puntual bat izango zela aurreikusi zuten askok, baina HUNTZA taldea gelditzeko heldu zen. Bira arrakastatsuan murgilduta dabiltza baina denbora atera eta disko laburra kaleratuko dute aurtengo Durangoko Azokan. Bi abesti berri konposatu dituzte horretarako eta lanaren izenburua "Lumak" izango da. Hau da diskoaren azala:


Diskoarekin ateratako irabaziak ASPANOGI elkartearentzako izango dira, dudarik gabe elkartasun keinu izugarria Josune eta taldekideena. Azokan izango dira huntzatarrak iazko diskoa eta berria ere sinatzen Mauka disketxearen standean. Betan kanta biak:


Kontaktua

Izena

Helbide elektronikoa *

Mezua *