diskoa

ERRE ZENITUZTEN

ERRE ZENITUZTEN
Bizkargi & Xabi Solano

BIDEO BERRIAK EKOIZTEN

BIDEO BERRIAK EKOIZTEN
Ikusi azkenak

ELKARRIZKETA: Josune Arakistain

ELKARRIZKETA: Josune Arakistain
Ikusi hemen

XABI SOLANO

XABI SOLANO
Proiektu berria barnetik

KEPA JUNKERA

KEPA JUNKERA
Bideoklip berria

XABI ABURRUZAGA

XABI ABURRUZAGA
Disko berria

AZKEN EKIMENAK

ekimena/carousel/#0489B1

AZKEN ALBISTEAK

GOZATEGI, Zuzenean 25 urte

Udan emandako kontzertu bereziekin zuzeneko DVD eta CDa argitaratu berri du Gozategi taldeak. Guztira 17 kanta biltzen ditu lanak eta dokumental bat ere sartu dute osagarri gisa. Hamaika gonbidatu aritu ziren emanaldi berezi hauetan, Xabi Solano esaterako bat nabarmentzearren. Ainhoa ere bueltatu zen nola ez.

Euskal musikako historia bizia den taldearen oroigarri bikaina da lan hau eta Durangoko Azokan duten standean aurki dezakezue egunotan.


DVDan ikusi ahalko den kantuetako bat honatx:


HAZIAK

Durangoko Azokan argitaratu du Euskal Herriko Trikitixa Elkarteak HAZIAK diskoa, aurreko hilabeteetan martxan jarritako lehiaketan aurkeztu ziren kanta onenak biltzen dituena. 25 urtetik beherakoek parte hartu ahal zuten eta guztira 10 pieza aukeratu dira. Diskoaren azalean agertzen diren 8 bakarlari, bikote eta taldeek parte hartu dute grabaketan:


Epaimahaiak kanta onena Julen Alonso eta Eneritz Aulestiarena dela erabaki zuen eta horregatik bideoklipa egin da abestiarekin. Hau da bideoa:


Diskoa EHTE-k Azokan duen standean eros daiteke egunotan eta abenduaren 9an aurkeztuko dute Ahotsenean 17:40tan.

HUNTZA, Lumak

Arrakasta puntual bat izango zela aurreikusi zuten askok, baina HUNTZA taldea gelditzeko heldu zen. Bira arrakastatsuan murgilduta dabiltza baina denbora atera eta disko laburra kaleratuko dute aurtengo Durangoko Azokan. Bi abesti berri konposatu dituzte horretarako eta lanaren izenburua "Lumak" izango da. Hau da diskoaren azala:


Diskoarekin ateratako irabaziak ASPANOGI elkartearentzako izango dira, dudarik gabe elkartasun keinu izugarria Josune eta taldekideena. Azokan izango dira huntzatarrak iazko diskoa eta berria ere sinatzen Mauka disketxearen standean. Betan kanta biak:


NAZIOARTEKO TRIKITIXA JAIALDIA argazkitan

Aurreko azaroaren 25ean 2017ko Nazioarteko Trikitixa Jaialdia ospatu zen Getxon eta hauek dira Asier Olazarrek atera zituen argazkietako batzuk:































SAMURAI ACCORDION, TE

Irailean Garate estudioan burubelarri sartuta egon ziren Samurai Accordion taldeko partaideak. Europako lurralde desberdinetatik datoz taldekideak; Finlandiatik Markku Lepistö, Irlandatik David Munnelly, Italiatik Riccardo Tesi eta Simone Bottasso eta Euskal Herritik Kepa Junkera.

Bigarren disko hau TE deitzen da, japonieraz eskua. Izan ere eskuek zerikusi zuzena dute akordeilari jarduerarekin. Diskorako musikari bakoitzaren bi kanta moldatu dituzte eta bestelako instrumentuak sartu ere. Soinujole orkestra txiki honek lortzen duen nahasketa izugarria da, benetan entzun beharrrekoa.

Belgikan hasi dute aurkezpen bira eta laster gure lurretan berriz izatea espero dugu, horrelako proiektu bat zuzenean gozatu behar delako. 




Laster argitaratuko dira bideo gehiago, baina bien bitartean portada Alberto Palomerak egin du eta honako bideoan ikusi daiteke prozesua:

INPERNUKO, Xabi Solano Maiza

Iaz "Ereñotzu" eta "Trikitixa Liburua II" argitaratu zituen Xabi Solanok eta oraingoan proiektuaren zuzenekoarekin dator. Azken disko honetako kantak ez ezik, Esne Zopak diskoko abestiak ere entzun ahalko ditugu. Berarekin batera musikari bikainak izango ditu; Kris Solano, DZ, Txus Aranburu, Arkaitz Miner eta Haritz Beristain. Baita aktore bikotea ere, Mikel Laskurain eta Ana Elordi. Eta Aukeran dantza taldeko dantzari bikotea ere agertuko da emanaldian. Beraz ikuskizun borobila antolatzen ari dira, belarriak eta begiak goza araziko dituena.

Lehen saioa Andoainen izango da abenduaren 15ean eta sarrerak salgai daude honako estekan: https://labur.eus/clADr

Hauxe ikuskizunaren kartela parte hartzaile guztiekin. Oinarrizko argazkia Aisterrazun egina da pasadan neguan eta ondoren Udane Juaristik marrazki bihurtua. 


UDAZKENERAKO PLANAK

Datozen asteetarako jaialdi eta ikuskizun ugari antolatu dituzte Euskal Herrian barrena trikitixa ardatz hartuta. Bertan laburbiltzen ditugu batzuk...


  • XABI SOLANOREN IKUSKIZUNA:

  • TRIKIGIRO 2017:

  • NAZIOARTEKO TRIKITIXA JAIALDIA 2017:



  • SOINU TTIKI ELKARTEAREN 20. URTEURRENA:

  • IX OÑATIKO TRIKITI JAIALDIA:

KEPA JUNKERA - FOK

Datorren astean Bartzelonan aurkeztuko du Kepa Junkerak FOK izeneko proiektu berria. Bertan Katalunia, Valentzia, Balear Irlak eta Alger inguruetako piezak bilduko ditu Galizia aurreko proiektuan bezela bere erara moldatuz. Kolaboratzaile ugarik parte hartu dute lan berri honetan eta zehaztasun guztiak datorren astean izango ditugu.

Diskoaren azala
Diskoaren azala ikusgarria da, inoiz baino gehiago infernuko hauspoa da. Izan ere katalanez sua "foq" da eta horretan oinarritu da Kepa lan berriaren irudia eta izenburua zehazteko. Diseinua Igotz Ziarretak egin du eta hurrengo bideoan ikusten da nola izan zen prozesua:


ELORRIOko IV. TRIKITIXA TXAPELKETA

Aurtengo edizioa Andoni Oruesagastik eta Uxue Kerejetak irabazi dute. ZORIONAK bioi eta parte hartu duzuen guztiei ere. Ondorengo estekan ikusgai argazki guztiak: http://bit.ly/ELORRIO2017


I. HELDUEN TRIKITIXA TXAPELKETA

Aspaldiko partez helduen trikitixa txapelketa antolatu dute Markina-Xemeinen. Datorren astean izango da, uztailaren 8an 22:00etan herriko frontoian. Euskal Herriko txoko desberdinetako hamaika bikotek parte hartuko dute eta sari potoloak daude jokoan. Sarrerak Markinan bertan eros daitezke honezkero eta bestela egunean bertan 19:00etatik aurrera lehiatilan. Onenak irabaz dezala...


DEBAGOIENAKO XIII. TRIKITIXA EGUNA

Oñatiri dagokio aurtengo Debagoieneko Trikitixa Eguna antolatzea, XIII.a honezkero. Apirilaren 29an ospatuko da eta egun guztirako ekintzak antolatu dituzte. 10:30etan esaterako tailer zinez interesgarriak prestatu dituzte ondoko hauen eskutik: Lutxurdio, Astiazaran, Harkaitz Allur, Aitor Furundarena eta Ines Osinaga. Gai desberdinak jorratuko dituzte eta izena eman beharra dago aurretiaz.

Hamaiketakoa eta kalejira egingo dira tailerren ostean eta gero trikiti eskolen saioa izango da 13:00etan unibertsitate plazan. Bazkariaren ondoren Debagoieneko trikiti taldeak arituko dira, iluntzean elektrotxaranga bat eta gauean eMePebo5t eta Los Zopilotes Txirriaos taldeak. Egun osoko plana prest. 

Bertan egitaraua:





Kontaktua

Izena

Helbide elektronikoa *

Mezua *